Behind the scenes...
 |  |
|---|---|
 |  |
 |  |
 |
Die Bekker familie verwelkom jou by ons wilde "uncut" avontuur van wat agter die skerms gebeur het met hierdie unieke projek. Daar was gespoeg en geplak en soveel passie in hierdie hoofstuk van ons lewens in gedeponeer. Ons en ons kinders het boekdele vol stories wat ons kan deel oor al ons ervaringe. As ek terug kyk staan ek verbaas dat ons met so min (finansies) soveel kon uitrig. TeaterHuis was bittersoet. Dit was nie net 'n groot avontuur nie, maar ook 'n baie groot uitdaging wat baie opofferinge vereis het.
DROOM GROOT DROME
Die mens is tot soveel meer instaat as wat ons besef. Ek was geskaaf en geskuur en dit was nie maklik om in die ou klein dorpie aan te pas nie. Maar mens ontmoet jou Skepper op soveel onverwagse plekke, en selfs hier in hierdie verre klein dorpie het ons soveel groei en wonderwerke in die swaarste oomblikke beleef.
Ek loof die Here God vir Sy guns en goedheid, elke tree van die journey, en ek eer my man vir sy ondersteuning en vrye teuels wat hy vir my gegee het om myself kreatief uit te leef, en laastens wil ek vir my 3 liewe kinders dankie sê. Ek weet dit was vir julle ook 'n groot uitdaging, en die spanning na Covid was baie intens, maar ons het saam gestaan en vasgebyt - dankie my liefies. Julle is meer waardevol as enige ding.
Ek wonder...watse avontuur gaan ons nou aanpak?
Surine Bekker
